Patay ang isa ka purok chairwoman matapos nga gintiro sang lima ka mga wala makilal-an nga lalaki sa Sitio Mana-uban, Purok 5, Brgy. Lina-on, Cauayan, Negros Occidental, Oktubre 14.
Santo sa inisyal nga imbestigasyon, nagpadulong ang lima ka mga lalaki nga armado sang malagba nga armas-luthang sa atubang sang balay sang biktima.
Ginhambalan sang mga suspetsado ang pamilya nga magsulod sa balay.
Nag-estorya ang suspetsado sa biktima apang wala nagdugay hinali nga gintiro sini ang Purok Chairwoman nga nag-angkon sang igo sa pila ka bahin sang lawas sini nga gintunaan sang gilayon sini nga kamatayon samtang ang suspetsado ang nagpalagyo sa wala mahibaluan nga direksyon.
Gindala pa ang biktima sa Cauayan District Hospital, apang gindeklarar nga dead on arrival.
