Senator Rodante Marcoleta, nagfile sang mosyon sa pagbasura sa impeachment case batok kay VP Sara
Ginpabasura ni Senator Rodante Marcoleta paagi sa isa ka motion ang impeachment case batok kay Vice President Sara Duterte.
Sa iya nga privilege speech sa plenary sang Senado nagpanindugan ini nga nagdesisyon na ang Korte Suprema nga unconstitutional ang articles of impeachment batok sa Bise Presidente.
Suno pa sa senador, wala naman sang pulos kun hulaton pa ang motion for reconsideration nga gin-file sang Kamara sa articles of impeachment batok kay Duterte batok “immediately executory” ang desisyon sang Korte Suprema.
Ginpaathag man sini nga bangud unanimous ang desisyon sang impeachment case batok sa Bise Presidente imposible nga may isa ka mahistrado ang magabawi sang iya nga desisyon.
Suno pa diri kun ginhambal sang Korte Suprema nga “void ab initio” kag “unconstitutional,” gani daw kaangay lang nga ginahambal sini sa tawo nga wala na sang lugar agud nga mag-apela.
Mosyon ni Senate Minority Leader Tito Sotto nga i-table ang mosyon ni Sen. Rodante Marcoleta, napierde
Wala ginpaboran sang kadam-an sa mga Senador ang mosyon ni Senate Minority Leader Vicente “Tito” Sotto nga i-table ang motion ni Senator Rodante Marcoleta nga i-dismiss ang impeachment complaint batok kay Vice President Sara Duterte.
Ang mosyon ni Marcoleta ang nasandig sa Supreme Court decision nga nagapauntat sa impeachment trial bangud nga paglapas ini sa Konstitusyon partikular na sa “one year bar rule”.
Ang mosyon naman ni Sotto ang ginpaboran nanday Senator Bam Aquino, Senate Deputy Minority Leader Risa Hontiveros, Senator Ping Lacson, kag Senator Kiko Pangilinan.
Samtang 19 naman ang nagpamatok sa mosyon ni Sotto.
Pagkatapos sini, gin-amyendaran ni Senate Majority Leader Joel Villanueva ang mosyon ni Senator Marcoleta para i-archive ang mga articles of impeachment sa baylo nga ibasura.
Pagboto sang mga Senador sa pag-archive sang impeachment case batok kay Vice President Sara Duterte
Nagdesisyon ang Senado nga i-archive anay ang impeachment case batok kay Vice President Sara Duterte.
Ang tikang ang sabat sa executory decision sang Korte Suprema sa pagbasura sa impeachment complaints.
Nakakuha sang kabug-usan nga boto nga 19 nga Senador ang nagpasugot nga i-archive nga ang kaso samtang may yara sang apat ang nagpamatok kag isa naman ang nag-abstain.
Ang mga nagboto sang YES ang ginlakipan nanday : Senators-Alan Peter Cayetano, Pia Cayetano,Ronald Dela Rosa, JV Ejercito, Francis Escudero, Jinggoy Estrada, Sherwin Gatchalian, Bong Go, Lito Lapid, Loren Legarda, Rodante Marcoleta, Imee Marcos, Robinhood Padilla, Erwin Tulfo, Raffy Tulfo, Joel Villanueva, Camille Villar, Mark Villar at Juan Miguel Zubiri.
Samtang nagpamatok naman ang ginalakipan nanday Senator Senator Paolo Benigno “Bam” Aquino IV, Risa Hontiveros, Francis “Kiko” Pangilinan kag Sen. Vicente “Tito” Sotto III.
Samtang, nag-abstain naman si Sen. Panfilo Lacson.
Madumduman nga una na nga gin-ayo ni Senator Rodante Marcoleta nga ibasura na lamang ang impeachment case batok kay Vice President Duterte tubtob nga nagpasugot nga i-archive nalang ini.
Una nga ginpaathag ni Senator Alan Peter Cayetano nga ang pagbutang sa archive sa impeachment case ni VP Duterte ang wala nagakahulugan nga patay na kag sabaylo mahimo man ini sagihapon nga buhion sa tion nga baliskadon sang Korte Suprema ang desisyon nga ini.
