Pirmado na ang Memorandum of Understanding sa tunga sang Local Government Unit sang ciudad sang Bacolod kag Department of Science and Technology -Philippine Atmospheric, Geophysical and Astronomical Services Administration (DOST PAG-ASA) para sa community based early flood warning system.
Suno kay Bacolod City Mayor Greg Gasataya, sang Hulyo pa lang nakig-angot na ini sa Disaster Risk Reduction and Management Office agud mameasure ang ulan kag water level sa ciudad.
Suno diri, sadto nakadepende pa sila sa impormasyon sang national office apang nagpadala ini sang proposal sa pag-install sang siyam ka river monitoring system kag pito ka rain monitoring system.
Ang ini nga equipment malamonitor sang ulan kag suba sa ciudad kag bangod local based monitoring ini, mas precise ang mahimo nga desisyon sa pagbulig, sa pagrescue kag sa pagpahibalo sa mga tawo sang sitwasyon.
Samtang may yara man sang siren nga ibutang agud mapahibalo sa mga pumuluyo kun kinahanglan na nga mag-evacuate sa lugar.
